ប៉ូលិសស្រុកបរកែវឃាត់ខ្លួនជនសង្ស័យ២នាក់ ករណីជួញដូរថ្នាំញៀន

ខេត្តរតនគិរី÷ ជនសង្ស័យ២នាក់ត្រូវនគរបាលស្រុកបរកែវឃាត់ខ្លួនពាក់ព័ន្ធករណីជួញដូរនូវសារធាតុញៀនដោយខុសច្បាប់។

ករណីឃាត់ខ្លួនជនសង្ស័យខាងលើនេះធ្វើឡើងនៅវេលាម៉ោង១១និង៥០នាទីយប់រំលងអធ្រាត្រឈានចូលថ្ងៃព្រហស្បតិ៍ ៩កើត ខែផល្គុន ឆ្នាំច សំរឹទ្ធិស័ក ត្រូវនិងថ្ងៃទី១៤ ខែមីនា ឆ្នាំ២០១៩កន្លងទៅ នៅចំណុចភូមិជ្រុង ឃុំកក់ ស្រុកបរកែវ។

មន្ត្រីនគរបាលស្រុកបរកែវបានឲ្យដឹងថា ជនសង្ស័យ២នាក់ ១-ឈ្មោះ គឿន កុសល់ ភេទប្រុស។
២-ឈ្មោះ សុី ឡៃ ភេទប្រុស អ្នកទាំង២នាក់មានទីលំនៅ ភូមិជ្រុង ឃុំកក់ស្រុកបរកែវ ខេត្ដរតនគីរី។

ក្រោយការឃាត់ខ្លួនជនសង្ស័ុយទាំង២នាក់ សមត្ថកិច្ចបានដកហូតវត្ថុតាងថ្នាំញៀនចំនួន១កញ្ចប់ធំ ៥កញ្ចប់តូច ថង់សម្រាប់វិចខ្ចប់គ្រឿងញៀនមួយចំនួន សម្ភារ:សេពថ្នាំញៀនមួយចំនួនទៀត
និងទូរស័ព្ទដៃចំនួន ៤ គ្រឿងផងដែរ។

បច្ចុប្បន្នកម្លាំងអធិការនគរបាលស្រុកបរកែវកំពង់បន្តចុះស្រាវជ្រាវរកមុខសញ្ញាមេក្លោងជួញដូរគ្រឿងញៀននៅពីក្រោយខ្នងជនសង្ស័យទាំង២នាក់នេះដើម្បីយកមកផ្តន្ទាទោសទៅតាមផ្លូវច្បាប់ផងដែរ៕ដោយ សាវ័ន