ស្រវឹងស្រាជោគជាំជិះម៉ូតូលឿនដួលខ្លួនឯងរបួសធ្ងន់ នៅស្រុកអូរជុំ

ខេត្តរតនគិរី÷ បុរសម្នាក់ជិះម៉ូតូដួលដោយខ្លួនឯងរងរបួសធ្ងន់កាលពីវេលាម៉ោង៧និង៣០នាទីយប់ថ្ងៃច័ន្ទ ៧កើត ខែមាឃ ឆ្នាំច សំរឹទ្ធិស័ក ព.ស២៥៦២ ត្រូវនិងថ្ងៃទី១១ ខែកុម្ភ: ឆ្នាំ២០១៩កន្លងទៅ តាមបណ្តោយផ្លូវជាតិលេខ៧៨Aទល់មុខចម្ការកៅស៊ូឈ្មោះហុប ស្ថិតនៅក្នុងភូមិប៉ាជន់ ឃំុឯកភាព ស្រុកអូរជុំ ខេត្ត្តរតនគិរី។

មន្ត្រីនគរបាលស្រុកអូរជុំបានឲ្យដឹងថា ជនរងគ្រោះមានឈ្មោះ កុក យ៉ា ភេទប្រុស អាយុ៣៩ឆ្នាំ ជនជាតិទំពួន រស់នៅភូមិល្អឺនក្រែន ឃំុអូរជុំ ស្រុកអូរជុំ ខេត្តរតនគិរី រងរបួសធ្ងន់បែកក្បាលនិងហូរឈាមតាមច្រមុះ។បេីកបរម៉ូតូមួយគ្រឿងពីកេីតទៅលិចក្នុងស្ថានភាពស្រវឹងជោគជាំហើយបើកបរក្នុងល្បឿនលឿន មកដល់ចំណុចកេីតហេតុ ក៏ដួលខ្លួនឯងបណ្ដាលឲ្យរងរបួសធ្ងន់តែម្ដង។

ក្រោយពីកេីតហេតុ​​​​​ ជនរងគ្រោះត្រូវបានសមត្ថកិច្ចដឹកបញ្ជូនទៅព្យាបាលនៅឯមន្ទីរពេទ្យបង្អែកខេត្ត​​​​​​​​​។

ដោយឡែកម៉ូតូត្រូវបានកម្លាំងប៉ុស្តិ៍យកមករកសាទុកដើម្បីរងចាំម្ចាស់មកទទួលយកទៅវិញផងដែរ៕ ដោយ សាវ័ន្ថ