សមត្ថកិច្ចខណ្ឌមានជ័យ បង្រ្កាបទូហ្គែមបាញ់ត្រីមួយកន្លែង និងឃាត់ខ្លួនជនសង្ស័យ៣នាក់ ជាមុខសញ្ញាលួចកាច់កម៉ូតូ ដែលលាក់ខ្លួនទីនេះ
ភ្នំពេញ៖ កម្លាំងសមត្ថកិច្ចព្រហ្មទណ្ឌកំរិតស្រាលខណ្ឌមានជ័យ បានធ្វើការបង្ក្រាបទីតាំងហ្គេមបាញ់ត្រីមួយកន្លែង ស្ថិតក្នុងសង្កាត់ស្ទឹងមានជ័យ២ ខណ្ឌមានជ័យ និងឃាត់ខ្លួនជនសង្ស័យ៣នាក់ដែលជាមុខសញ្ញាខាងលួចកាច់កម៉ូតូយ៉ាងសកម្ម ដែលប្រតិបត្តិការនេះធ្វើឡើងកាលពីព្រឹកថ្ងៃទី៨ មករា ដោយ ស្ថិតនៅក្នុងភូមិភ្នាត សង្កាត់ស្ទឹងមានជ័យ២ ខណ្ឌមានជ័យ រាជធានីភ្នំពេញ ។
សមត្ថកិច្ចបានឲ្យដឹងថា ក្នុងប្រតិបត្តិការនេះ សមត្ថកិច្ចបានរឹបអូសយកម៉ូតូម៉ាកកាវ៉ាសាគី ពាក់ស្លាកលេខ ខេមរភូមិន្ទ ដែលគេជឿថាជា ឧបករណ៍ នៃមធ្យោបាយប្រើប្រាស់សម្រាប់ធ្វើសកម្មភាពលួចទូរទៅរបស់ជនសង្ស័យទាំង៣នាក់នោះ ។ ជនសង្ស័យទាំង៣នាក់បានប្រើប្រាស់ទីតាំងហ្គេមបាញ់ត្រីនោះ ជាកន្លែងពួនសម្ងំ ក្រោយការធ្វើសកម្មភាពលួចនៅខាងក្រៅ ។
បើតាមសម្តីពីសមត្ថកិច្ចព្រហ្មទណ្ឌកំរិតស្រាល បានបានជម្រាបឲ្យដឹងថា មុនពេលចុះចាប់មុខសញ្ញាជំនាញខាងកាច់កម៉ូតូទាំង៣នាក់ ដែលជិះម៉ូតូម៉ាកកាវ៉ាសាគី ពាក់ស្លាកលេខ ខេមរភូមិន្ទ នៅផ្ទះបើកទូរហ្គេមបាញ់ត្រី ដែលជាប្រភេទល្បែងស៊ីសងនេះ គឺយោងតាមពាក្យបណ្តឹងពីជនរងគ្រោះ ដែលបានបាត់ម៉ូតូម៉ាក់ MSX (ស្លាកលេខត្រូវជនសង្ស័យកាច់ចេញបាត់ហើយ) កាលពីយប់វេលាម៉ោង៣ជាងទៀបភ្លឺ ថ្ងៃទី៨ ខែមករា ឆ្នាំ២០១៩ នៅសង្កាត់កំពង់សំណាញ់ ក្រុងតាខ្មៅ ដោយជនរងគ្រោះបានស្គាល់មុខសញ្ញានិងតាមដានដឹងថា ជនសង្ស័យដែលធ្វើសកម្មភាពលួចកាច់កម៉ូតូ រួចមកពួនលាក់ខ្លួនក្នុងផ្ទះបើកទូរហ្គេមបាញ់ត្រីខាងលើ ។ បន្ទាប់មកបានធ្វើការទំនាក់ទំនងទៅសមត្ថកិច្ចព្រហ្មទណ្ឌកំរិតស្រាលភ្លាមៗ ចុះមកក្របួចបានតែម្តង ដោយមិនរំខានដល់កម្លាំងសមត្ថកិច្ចស្ទឹងមានជ័យ២នោះទេ ។
យោងតាមសម្តីជនរងគ្រោះបានប្រាប់ឲ្យដឹងថា ម៉ូតូរបស់គាត់បានចតទុកនៅមុខបន្ទប់ជួល ដោយចាក់សោរ ក រួចដើរចូលក្នុងបន្ទប់ដោយដើរបញ្ច្រាស់ទិសជាមួយជនសង្ស័យ ស្រាប់តែបានប៉ុន្មានម៉ោងក្រោយមក ក៏បាត់ម៉ូតូ ទើបមានការភ្ញាក់ផ្អើល ហើយជិះដើររកទើបដឹងថា ជនសង្ស័យពួននៅទីតាំងខាងលើក៏ប្តឹងទៅសមត្ថកិច្ចព្រហ្មទណ្ឌកំរិតស្រាលចុះមកក្របួចបានតែម្តង ។
ក្រោយក្របួចបានជនសង្ស័យចំនួន៣នាក់ ជំនាញខាងកាច់ ក ម៉ូតូរួច សមត្ថកិច្ចបានដកហូតវត្ថុតាងរួមមាន ៖ ម៉ូតូ២គ្រឿង ១គ្រឿង ម៉ាកកាវ៉ាសាគី ដែលពាក់ស្លាកលេខ ខេមរៈភូមិន្ទ សំរាប់ជិះធ្វើសកម្មភាព និងមួយគ្រឿងទៀត ម៉ាក MSX ជារបស់ជនរងគ្រោះ ។ ជនសង្ស័យនិងវត្ថុតាង បានកសាងសំណុំរឿងចាត់ការតាមនីតិវិធី ។
ប្រជាពលរដ្ឋនៅសង្កាត់ស្ទឹងមានជ័យបាននិយាយរិះគន់ដល់នាយប៉ុស្តិ៍សង្កាត់ស្ទឹងមានជ័យទី២ថា ជាមនុស្សស្ពឹកស្រពន់ការងារក្នុងការចុះបង្រ្កាបបទល្មេីសក្នុងមូលដ្ឋាន ទោះបីមានប្រជាពលរដ្ឋរាយការណ៍ ថា មានក្មេងទំនេីងជក់ថ្នាំញៀននិងមានការចែកចាយញៀននៅក្រុមទី៤ភូមិដំណាក់៤យ៉ាងណាក្តីក៏គាត់គ្រាន់សន្យាថា ចាំឲ្យកូនចៅចុះមេីលរហូតទល់ពេលនេះពួកដាក់ការសង្ស័យថា ប្រហែលនាយប៉ុស្តិ៍រូបនេះបានទទួលផលប្រយោជ៍នពីពួកបទល្មេីសទាំងនេះក៏មិនដឹង បានជាបណ្តែតបណ្តោយឲមានសកម្មភាពកេីតឡេីងយ៉ាងពេញបន្ទុកនៅក្នុងមូលដ្ឋានរបស់ខ្លួន៕
