ចិនទៀតហើយខេត្តព្រះសីហនុ ! ប៉ូលិសចាប់ជនជាតិចិន-ម៉ាឡេស៊ីចំនួន០៨ ជួញដូរគ្រឿងញៀន

ភ្នំពេញ៖ ជនជាតិចិន និងជនជាតិម៉ាឡេស៊ីម្នាក់ សរុបចំនួន ០៨ (ចិន៧នាក់ និងម៉ាឡេស៊ីម្នាក់) ជួញដូរគ្រឿងញៀន ត្រូវបានកម្លាំងនគរបាលការិយាល័យប្រឆាំងគ្រឿងញៀនខេត្តព្រះសីហនុ សហការជាមួយនគរបាលមូលដ្ឋានឃាត់ខ្លួន។

ការឃាត់ខ្លួនជនជាតិចិនទាំង៨នាក់នេះ បានធ្វើឡើងកាលពីថ្ងៃទី៤ ទី៥ មករា ២០១៩ នេះ ដោយកម្លាំងនគរបាលការិយាល័យប្រឆាំងគ្រឿងញៀនខេត្តព្រះសីហនុ សហការជាមួយនគរបាលមូលដ្ឋាន បានបើកកិច្ចប្រតិបត្តការបង្ក្រាប ករណីជួញដូរ ចែកចាយ និងប្រើប្រាស់គ្រឿងញៀនបាន៤ករណី ។

ជនសង្ស័យទាំង៨នាក់ ១-ឈ្មោះ HUANG YISHUI ភេទប្រុស អាយុ៤០ឆ្នាំ ជនជាតិចិន មុខរបរបើកអនឡាញ។
២-ឈ្មោះ YANG TAO ភេទប្រុស អាយុ២៨ឆ្នាំ ជនជាតិចិន មុខរបរបើកអនឡាញ (២នាក់នេះ ដកហូតវត្ថុតាងរួមមានម្សៅក្រាមសថ្លាសង្ស័យជាសារធាតុញៀនចំនួន២កញ្ចប់, បារីកញ្ឆាចំនួន២៩ដើម, ម្សៅកញ្ចប់ សង្ស័យជាសារធាតុញៀនចំនួន៥កញ្ចប់ និងជញ្ជីងថ្លឹងគ្រឿងញៀនចំនួន១។
៣-ឈ្មោះ HUANG LONG JIE ភេទប្រុស អាយុ១៨ឆ្នាំ ជនជាតិចិន មុខរបរបើកអនឡាញ។
៤-ឈ្មោះ YANG XUAN HUAN ភេទប្រុស អាយុ១៩ឆ្នាំ ជនជាតិចិន មុខរបរអនឡាញ (២នាក់នេះ ដកហូតវត្ថុតាងរួមមានម្សៅក្រាមសថ្លាសង្ស័យជាសារធាតុញៀនចំនួន៨៥កញ្ចប់ (ក្នុងនោះមាន២កញ្ចប់ធំ), ថ្នាំញៀនគ្រាប់ MDMA ចំនួន៣២គ្រាប់, ជញ្ជីងថ្លឹងថ្នាំញៀន១គ្រឿង, ទូរស័ព្ទចំនួន៣គ្រឿង និងសម្ភារសម្រាប់វេចខ្ចប់មួយចំនួន),។
៥-ឈ្មោះ CHU CHIN LIANG ភេទប្រុស អាយុ៣៨ឆ្នាំ ជនជាតិចិន មុខរបរ ធ្វើការនៅខារ៉ាអូខេ ស៊ីអេច ដកហូតវត្ថុតាងរួមមាន ម្សៅក្រាមសថ្លាសង្ស័យជាសារធាតុញៀនចំនួន ១០ កញ្ចប់ ម្សៅកញ្ចប់សង្ស័យជាសារធាតុញៀនចំនួន៧កញ្ចប់ ថ្នាំញៀនគ្រាប់ MDMA ចំនួន ០៣ គ្រាប់ និងទូរស័ព្ទ១គ្រឿង។
៦-ឈ្មោះ DU TONG GANG ភេទប្រុស អាយុ២៩ឆ្នាំ ជនជាតិ ចិន មុខរបរ មិនពិតប្រាកដ ដកហូតវត្ថុតាងរួមមាន ម្សៅក្រាមសថ្លាសង្ស័យជាសារធាតុញៀនចំនួន៤កញ្ចប់ ជញ្ជីងថ្លឹងថ្នាំញៀនច១គ្រឿង និងទូរស័ព្ទ១គ្រឿង ។
៧-ឈ្មោះ REN JIN XIN ភេទប្រុស អាយុ២៤ឆ្នាំ ជនជាតិចិន មុខរបរ បើកអនឡាញ។
៨.ឈ្មោះ DAI YONG ភេទប្រុស អាយុ២៤ឆ្នាំ ជនជាតិចិន មុខរបរបើកអនឡាញ (២នាក់នេះ ដកហូតវត្ថុតាងរួមមាន ម្សៅក្រាមសថ្លាសង្ស័យជាសារធាតុញៀនចំនួន២៨កញ្ចប់, ថ្នាំញៀនប្រភេទ (WY)ចំនួន២៨គ្រាប់ .ជញ្ជីងថ្លឹងថ្នាំញៀន២គ្រឿង និងសម្ភារសម្រាប់វេចខ្ចប់មួយចំនួនទៀត ។

ក្រោយឃាត់ខ្លួនសមត្ថកិច្ចបានកសាងសំណុំរឿងបញ្ជូនជនសង្ស័យនិងវត្ថុតាងទៅកាន់សាលាដំបូងខេត្តតាមនីតិវិធី ៕