បើកគោយន្តមិនប្រយ័ត្នជ្រុលចង្កូតក្រឡាប់របួសធ្ងន់៣នាក់

ខេត្តរតនគិរី÷ គោយន្តកែច្នៃមួយគ្រឿងបើកលឿនមិនបានប្រុងប្រយ័ត្នត្រង់ចុះចំណោតបណ្តាលឲ្យក្រឡាប់ខ្លួនឯងរងរបួសធ្ងន់៣នាក់។

ហេតុការណ៍បង្កគ្រោះថ្នាក់ដោយខ្លួនឯងបានកើតឡើងកាលពីវេលាម៉ោង៥និង២០នាទីល្ងាចថ្ងៃពុធ ៥កេីត ខែមិគសិរ ឆ្នាំច សំរិទ្ធស័ក ព.ស២៥៦២ ត្រូវនឹងថ្ងៃទី១២ ខែធ្នូ ឆ្នាំ២០១៨ នៅចំណុចភ្នំកាច់ចង្កេះ ស្ថិតនៅភូមិកាឡៃ៣ ឃំុកាឡៃ ស្រុកអូរជំុ។

មន្ត្រីនគរបាលស្រុកអូរជុំបានឲ្យដឹងថា អ្នកបេីកបរគោយន្តឈ្មោះ រិន បញ្ញារ៉ុង ភេទប្រុស អាយុ៣០ឆ្នាំ ជនជាតិខ្មែរ មុខរបរកសិករ មានទីលំនៅភូមិអូរជំុ ឃំុអូរជំុ ស្រុកអូរជំុ ខេត្តរតនគិរី (រងរបួសធ្ងន់បែកប្រអប់ជីេងខាងឆ្វេង)។

អ្នករួមដំណីេរ២នាក់ ១-ឈ្មោះ សុខ ហេង ភេទប្រុស អាយុ២៤ឆ្នាំ ជនជាតិខ្មែរ មុខរបរកសិករ មានទីលំនៅដូចគ្នា(រងរបួសធ្ងន់សន្លប់ធំ)។

២-ឈ្មោះ នាង ឆេង ភេទប្រុស អាយុ៤២ឆ្នាំ ជនជាតិខ្មែរ មុខរបរកសិករ មានទីលំនៅដូចគ្នា(រងរបួសធ្ងន់ត្រង់ភ្លៅខាងស្តាំ)។

នគរបាលបន្តថា មុនពេលកើតហេតុគោយន្តកែច្នៃមួយគ្រឿងនេះបើកបរពីត្បូងទៅជើងត្រង់ចំណុចចុះចំណោតផងនោះ ក៏បើកលឿនខណ:ជាន់ហ្វ្រាំងមិនស៉ីបានរេចង្កូតទើបបណ្តាលឲ្យក្រឡាប់តែម្តងទៅ។

ក្រោយកើតហេតុសមត្ថកិច្ចមូលដ្ឋានចុះមកអន្តរគមន៍ទំនាក់ទំនងទៅរថយន្តសង្គ្រោះដឹកបញ្ជូនជនរងគ្រោះទាំង៣នាក់ទៅមន្ទីរពេទ្យបង្អែកខេត្តដើម្បីសង្គ្រោះបន្ទាន់។

បច្ចុប្បន្នគោយន្តកែច្នៃត្រូវបានក្រុមគ្រួសារស្ទូចយកទៅជុសជុលដោយខ្លួនឯង៕ដោយ សាវ័ន